தமிழன்

பல மொழிகள் தெரிந்தும் பயனில்லை
தடுமாறிக்கொன்டிருக்கிறேன் (றோம்)
தூய  தமிழில் பேச

இயற்கையின் கவிதை

மழை நாளில்

அன்று

ஒரு மழை நாளில்
ஊரிலிருந்து அப்பா கொண்டுவந்திருந்த
புது சட்டை செருப்பையும் அணிந்துகொண்டு
மழையில் தெருவில் இறங்கி
சறுக்கி விழுந்தேன்

இன்று

ஒரு மழை நாளில்
சறுக்கி விழுந்தேன்
என் பால்யத்தில்

................

காலையில்

ஜன்னல் திறக்கையில் குருவியுடனும்

அலுவலகத்தில் தோழர்களுடனும்

ஒய்வு நாட்களில் நண்பர்களுடனும்

எல்லா நாட்களும் நன்றாகத்தான் இருக்கிறது

மாலை வீடு திரும்புகையில்

கனத்த மௌனத்துடன் காத்திருக்கிறது

என்னை வரவேற்க- என்

தனிமை.........

கட்டணம்

 வாரம் ஒரு முறை
தொலைபேசி அழைப்பு
மணிக்கணக்கில் அல்ல
நிமிடக்கணக்கில் தான்
போதும் என்று துண்டிக்கிறார்கள்
காலம் கருதி அல்ல
கட்டணம் கருதி
அவர்களுக்கு என்ன தெரியும்-என்
தனிமையின் வலி என்னவென்று...................

ஒரு மழை நாளில்

சட்டென பெய்த மழையில்

பட்டென ஒதுங்கி நின்றேன்

நான் நனையாமல்

மனதை நனையவிட்டு-என்

கடந்த கால நினைவுகளில்

தனிமை

நீ

இல்லாத நான்

நிலவில்லாத இரவு